【小試牛刀 參賽後有感】
照片攝於我最喜愛的冰島荒野
👩🏼：呢幾張相影得唔錯喎，粉紅色嘅日落好靚啊！
👨🏻：嗯。
👩🏼：幫你拎去參加比賽好嘛？試下啦。
👨🏻：哦。
👩🏼：張相你想落咩cat啊？
👨🏻：你決定啦。
👩🏼：（心內開始暗罵）我決定？！我又唔係攝影師，你自己睇下啦。
👨🏻：得啦，你覺得啱就放果個cat啦。
👩🏼：咁即係landscape定sunset啫？
👨🏻：（不耐煩）你中意啦。
👩🏼：（幫您放architecture好唔好？！）咁sunset啦。你想一張出，定係⼀set出啊？
👨🏻：一set啦！
👩🏼：輯相想叫咩名啊？
👨🏻：是但啦，你改啦！
👩🏼：（不滿）咁不如話張相係我影㗎啦。
👨🏻：你中意啦。
👩🏼：（排好版面，填好內容後）你過嚟睇下咁排好唔好？
👨🏻：（繼續安坐書桌前執相）得㗎喇。
👩🏼：（加重語氣）你。可。唔。可。以。過。嚟。望。一。眼。呢？
👨🏻：（果然只係望一眼）得㗎喇，交啦。
還好當初沒有放棄參加比賽（對我來說是我參賽，只是我用了他的名字、他的作品已矣）。小試牛刀，我初次參賽竟得了一個Honorable mention。
👩🏼：個Honorable mention有一半係屬於我嘅💁🏼♀️。
👨🏻：咩？（他還未知道獲得這個小小肯定）
👩🏼：無睇email啦⋯⋯
👨🏻：無。
👩🏼：之前幫您參加左ipa，贏左個Honorable mention。
（我還以為他的第一個反應是暗喜，誰不知⋯⋯）
👨🏻：（憤怒）頂你個肺，豬肉獎。
👩🏼：？？？
👨🏻：人人參加都拎到，參加獎咋嘛。
👩🏼：（看看得獎名單）冠亞季軍之外，只有約三十人得到Honorable mention，ipa都叫做大型比賽，斷估唔會得三十人參加啊？
👨🏻：（頓時有少少開心仔）嘻，係咩？
無知已經可怕，如此率性而為，更加令人心累。早知把這輯相片直接命題為”Whatever”，更切合他的個性。當朋友們替他開心、替他加油，我倒抽一口涼氣。唉，其實最應該得到鼓勵的是我💁🏼♀️。
你以為係佢參賽？其實係我啊。
我鼓勵他道：下次乖乖地自己揀相，睇下人地有咩cat，認真幫您嘅作品命題，應該唔止Honorable mention吧！（女友的期望）
#叫佢加油影多啲相
#不如叫我加油揀相放多啲相
#對住呢啲人好攰
🤣🤣🤣
Search